Қамаши туманида 286770 нафар аҳоли учун 455 ўринга мўлжалланган 2 та шифохона (410 ўринли марказий шифохона, 45 ўринли юқумли касалликлар), 50 қатновга мўлжалланган Сил касалликларига қарши курашиш диспансери, 200 қатновга мўлжалланган кўп тармоқли марказий поликлиникаси, 550 қатновга мўлжалланган 5 та оилавий поликлиника, 250 қатновга мўлжалланган 5 та оилавий шифокорлик пункти, 1 та туман Тез ёрдам бўлими (22 та тез ёрдам шахобчалари) ва 1 та СЭО ва ЖСХ бўлими ҳамда 9 та махалла тиббиёт пунктлари (контейнерлар) аҳолига тиббий хизмат кўрсатади.
2023 йил 6 ойи давомида 131793 минг нафар (70,4%) аҳоли чуқурлаштирилган тиббий кўрикдан ўтказилди, 42652 минг нафарида турли хил касалликлар аниқланди. Шундан, 15480 нафари (89,1%) амбулатор шароитда, 1891 нафари шифохоналарда соғломлаштирилди.
2023 йил 6 ойи давомида 18 ёшгача бўлган 103739 нафар болалардан 50718 нафари тиббий кўрикдан ўтказилди, касаллик аниқланган 26588 нафар болаларнинг 62,3 фоизи соғломлаштирилди.
Тиббиёт муассасаларида 120 турдаги дорилар бепул тарқатилиб келинмоқда, имтиёзли рецеп билан 20 турдаги дори воситалар бепул тарқатилмоқда.
Тоғли ва чекка қишлоқлар ахолисига 9 та тиббий контейнерлар ўрнатилди. Жамғарма маблағлари хисобидан 120,0 млн сўмлик жорий таъмирлаш ишлари ўтказилган.
Туманда аҳоли саломатлигини яхшилаш мақсадида “Саломатлик ойликлари”, “Ёшлар сайли” ва “Аёллар саломатлиги хафталиклари” ўтказилмоқда. Ушбу саломатлик сайлларида Республика, Вилоят ва туманда фаолият юритаётган малакали мутахассислар томонидан аҳоли чуқурлаштирилган тиббий кўриклардан ўтказилиб, фуқаролар соғлигини тиклаш учун керакли тавсиялар берилмоқда.
Қамаши туман тиббиёт бирлашмасига 11 нафар олий таълим муассасаларини 6 курс битирувчилари ишга қабул қилинди. Ушбу битирувчиларга Ўзбекистон Республикаси Президентининг 17.05.2022 йилдаги “Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида”ги ПФ-136-сонли Фармонига асосан янги иш бошлаган салоҳиятли ёш шифокорларга 1 миллион сўмгача махсус ойлик устама маблағлари тўланмоқда.
Шунингдек, оилавий шифокор пунктлари, оилавий поликлиникалар ва кўп тармоқли марказий поликлиникада кундузги стационар иш вақтини соат 20:00 гача узайтириш ҳисобига иккинчи сменада ишловчи 8 нафар шифокорлар ҳамда 8 нафар ҳамшираларга лавозим маошининг 30 фоизигача ойлик қўшимча устамалар тўлаб берилмоқда.
Қамаши ТТБ иш берувчи томонидан кам таъминланган, ижтимоий химояга мухтож бўлган ходимлардан 230 нафарига моддий ёрдам ажратилди ва бунинг учун 208 млн 649 минг сўм маблағ сарфланди.
Қамаши ТТБ КУК томонидан 2023 йил 6 ойи давомида 43 нафар ходимларга 19 млн 210 минг сўмлик моддий ёрдам кўрсатилди.
Ходимларни санаторияларда дам олдириш бўйича ижтимоий суғурта маблағлари хисобидан 7 нафар ходимларга йўлланма олиб берилди ва бунга 12 млн 660 минг сўм маблағ сарфланди.
Касаба уюшма бюджети хисобидан 6 нафар ходимларга санаторияга йўлланма олиб берилди ва бунинг учун сарфланган маблағ 12 млн сўмни ташкил этади.
Тиббиёт ходимларининг фарзандларидан 36 нафари “Сирли коинот” оромгохида соғломлаштирилди. Бунга сарфланган маблағ 6 млн 400 минг сўм.
Ўзбекистон Республикаси Вазирлар Махкамасининг 276-сонли Қарорига асосан 2858 нафар ходимларга устама хақлари тўлаб борилмоқда.
Шунингдек, 1543 нафар ходимлари тиббий кўрикдан бепул ўтказилди ва бунинг учун иш берувчи хисобидан 230 млн сўм маблағ сарфланди.
Мехнат шароитлари бўйича 2023 йилда 67 та иш ўрни аттестациядан ўтказилди. Мазкур иш ўринларида банд бўлган ходимлар сони 158 тани ташкил этади ва шу жумладан аёллар 107 нафар бўлиб, бунинг учун 15 млн 100 минг сўм маблағ сарфланган.
КАДРЛАР БЎЙИЧА.
Тиббиёт соҳасида жами 3368 нафар тиббиёт ходимлари, шундан 223 нафар (6,6 %) шифокорлар, 2255 нафари (66,9 %) ўрта тиббиёт ходимлари ҳамда 887 нафар (26,3 %) кичик тиббиёт ва бошқа ходимлари фаолият кўрсатмоқда.
Қамаши туман тиббиёт бирлашмасида жами штат бирликлари сони 2283,5 ставка бўлиб, шундан шифокорлар штат бирлиги 426,0 тани ташкил этади. Шундан шифокорлар штатларидан вакант штатлар сони 7,5 ставка. Жами ишлаётган шифокорлар сони 223 нафар бўлиб, шундан пенсия ёшидаги шифокорлар сони 82 нафар, пенсия арафасидаги шифокорлар сони 13 нафарни ташкил этади.
Ўзбекистон Республикаси Вазирлар Маҳкамасининг 2022 йил 03 октябр кунидаги 561-сон қарори ижроси бўйича Қамаши туман тиббиёт бирлашмасининг бирламчи тиббий санитария муассасалари ва тез тибий ёрдам бўлимига Республикамизнинг тиббиёт муассасаларида тақсил олаётган битирувчи курс талабаларидан 18 нафари Қамаши туман тиббиёт бирлашмасига ишга қабул қилинган, шундан 13 нафари 6 курс бакалавр даражасидаги битирувчилар, 5 нафари 2 курс клиник ординатор даражасидаги битирувчилар.
Қамаши туман тиббиёт бирлашмасига тор соҳадаги 19 нафар шифокорларга эҳтиёж мавжуд бўлиб, хусусан (Дерматовенерология, отолорингология, Травматология-ортопедия, умумий онкология, аллергология, урология, реанимация, фтизиатрия ва ҳ.к)
ОНАЛИК ВА БОЛАЛИКНИ МУХОФАЗА ҚИЛИШ БЎЙИЧА.
Қамаши туманида 2022 йил 6 ойида 3444 та бўлиб, кўрсаткичи 24,5%ни, 2023 йил 6 ойида туғилишлар 3647 та бўлиб, кўрсаткич 25,3% ни ташкил қилган. Хомиладорликни хисобга олиш 2022 йил 6 ойида 4730 та, 2023 йил 6 ойида 4655 та.
Туманда гўдаклар ўлими 2022 йил 6 ойида 40 та бўлиб, кўрсаткичи 11,9%, 2023 йил 6 ойида 38 та ташкил қилиб, кўрсаткичи 10,3 ни ташкил этади.
Оналар ўлими 2022 йил 6 ойида 1 нафар қайд этилган бўлиб, 2023 йилнинг шу даврида 1 нафар оналар ўлими қайд этилган.
2022 йил 6 ойида 1748 нафар туғиш ёшидаги хотин-қизлар контрацепсия воситалари орқали исталмаган хомиладорликдан четлатилган бўлса, 2023 йил 6 ойида 1165 нафар туғиш ёшидаги хотин-қизлар исталмаган хомиладорликдан четлатилган.
Шунингдек, туман Аёллар маслахатгохининг онко назорат хонасида 2023 йил 6 ойи давомида 1950 нафар аёл онконазорат скрининг текширувидан ўтказилди. Шундан 13 нафар аёл онкологик касалликга гумон қилиниб Онкология ва радиология илмий амалий текшириш маркази Қашқадарё вилоят филиалига юборилди. Шундан Онкология ва радиология илмий амалий текшириш маркази Қашқадарё вилоят филиалида текширувдан ўтказилиб, 7 нафарида касаллик аниқланган.
Туғиш ёшидаги 70819 нафар бўлиб, 2023 йил 6 ойи давомида 63684 нафар (89,9%) аёллар тиббий кўрикдан ўтказилди, 26709 нафарида турли хил экстрагентал касалликлар аниқланди, 13973 минг нафари (85,1%) амбулатор шароитда, стационарда 2447 нафари (14,9%) соғломлаштирилди.
АМБУЛАТОРИЯ-ПОЛИКЛИНИКА ХИЗМАТИ.
Туман аҳолисига 1 та поликлиника, 5 та ОШП, 5 та ОП, 5 та ТТБ филиалларидаги амбулаториялар хизмат кўрсатмокда. Уларнинг 1-сменадаги қуввати 1350,0 бўлди, лекин амалда бажараётган қуввати 2022 йил 6 ойда 3114,2 дан 2023 йил 6 ойда 3636,1 га ўзгарди.
Аҳолининг 2022 йил 6 ойда врачларга қатнови 591704 та бўлган бўлса,
2023 йил 6 ойда 690862 та бўлди. Аҳолининг врачларига ўртача қатнови 2,0 дан 2,3 га ўзгарди.
Врач функциясининг режасининг бажарилиши туман бўйича 2022 йил 6 ойда 73,0 бўлган бўлса, 2023 йил 6 ойда 80,6 га ўзгарди.
АҲОЛИНИНГ КАСАЛЛАНИШИ
Туманда аҳолининг касалланиши қуйидагича: 2022 йил 6 ойда 96297 та касаллик билан руйхатга олинган бўлиб, умумий касалланиш кўрсаткичи 343,1 бўлган бўлса, 2023 йил 6-ойда 90834 та касаллик билан руйхатга олиниб, умумий касалланиш кўрсаткичи 313,4 бўлди. Шунингдек 2022 йил 6 ойда бирламчи касаллик билан 56561 та касаллик руйхатга олиниб, бирламчи касалланиш кўрсаткичи 201,5 бўлган бўлса, 2023 йил 6 ойда 64779 та касаллик руйхатга олиниб, бирламчи касалланиш кўрсаткичи 223,4 бўлди.
Туманда қайд этилган умумий касалликлардан касаллик туркумлари буйича кўрадиган бўлсак ҳар 1000 кишига нисбатан.
1.) Нафас олиш аъзолари касалликлари – 64,5
2). Хазм органлари касалликлари – 57,6
3) .Қон айланиш тизими касалликлари – 35,8
4). Жарохат ва захарланиш – 14,8
5.) Ички секреция безлари касалликлари – 14,0
БИРЛАМЧИ КАСАЛЛАНИШ КАСАЛЛИК
ТУРКУМЛАРИ
Туманда қайд этилган бирламчи касалликлардан касаллик туркумлари буйича кўрадиган бўлсак ҳар 1000 кишига нисбатан.
1.) Нафас олиш аъзолари касалликлари – 49,1
2). Хазм органлари касалликлари – 43,1
3) .Қон айланиш тизими касалликлари – 21,7
4). Жарохат ва захарланиш – 14,8
5.) Ички секреция безлари касалликлари – 6,2
2022 йилда врачлар назоратида турувчи сурункали касалликлар сони 22321 тадан, 2023 йилда 22260 тага камайган, бу ҳар 1000 кишига нисбатан 79,5 тадан 76,8 тага камайган.
КАСАЛХОНАЛАРДА АҲОЛИГА ТИББИЙ
ХИЗМАТ КЎРСАТИШ.
Туманда 2 та касалхона (шундан 5 та ТТБ филиаллари) стационар ёрдамини 2023 йилда кўрсатади, уларда жами ўринлар сони 455 та. Туман аҳолисининг ўринлар билан таъминланиши 2022 йилда 16,0. бўлган бўлса, 2023 йилда (ҳар 10000 аҳолига нисбатан) 15.8 бўлди.
2022 йил 6 ойда 15356 нафар бемор даволаниб чиққан бўлса, 2023 йил 6 ойда 14944 нафар бемор даволаниб чиқди.
Беморларнинг касалхоналарда ўтказган ўрин кунлари 2022 йил 6 ойда 87353 кунни ташкил этган бўлса, 2023 йил 6 ойда 81514 кунни ташкил этди.
2022 йил 6 ойда касалхоналарда 38 нафар бемор вафот этган бўлса, 2023 йил 6 ойда эса 61 нафар бемор вафот этганлиги қайд этилди.
КАСАЛХОНАЛАРНИНГ АСОСИЙ КЎРСАТКИЧЛАРИ
| Кўрсаткичлар номи | 2022 йил
6-ойда |
2023 йил
6-ойда |
| Ўринлар иши | 191,9 | 179,1 |
| Касалхоналарда касалларнинг ўртача турган вақти | 5.6 | 5,4 |
| Ўринларнинг бўш турган вақти | – | – |
| Ўринлар айланиши | 33,7 | 32,8 |
| Ўлим кўрсаткичи | 0.2 | 0.4 |
ЁРДАМЧИ БЎЛИМЛАР ФАОЛИЯТИ.
Рентген текширувлари 2022 йил 6 ойда 20385 та 2023 йил 6 ойда 17949 тага камайган.
Ультра товуш текширувлари 2022 йил 6 ойда 15764 тадан 2023 йил 6 ойда 18220 тага купайди.
ЭКГ текширувлари 2022 йил 6 ойда 16006 тадан 2023 йил 6 ойда 18767 тага купайди.
Лаборатория текширувлари 2022 йил 6 ойда 1657000 тадан 2023 йил 6 ойда 1730288 тага кўпайди.
Физиотерапия муолажалари 2022 йил 6 ойда 71650 тадан 2023 йил 6 ойда 83565 тага купайган.
Тошкент тиббиёт Болалар миллий кардиохирургия марказида 30 нафар 0-14 ёшгача болаларни бепул операция қилинди.
Қамаши ТТБга қарашли КТМПдан
Вилоят ихтисослаштирилган марказларга ордер билан юборилган беморлар
тўғрисида 2023 йил 7-ойлик маълумот
| № | Ихтисослаштирилган марказлар номи | Берилган ордерлар сони | Даволанганлар |
| 1 | ВКТМ | 267 | 267 |
| 2 | Кардиология марказига | 32 | 32 |
| 3 | Кўз касалликлар марказига | 32 | 32 |
| 4 | Эндокринология марказига | 70 | 70 |
| Жами: | 401 | 401 |
Юқори технологияли операция ўтказилганлар хисоботи
Имтиёзсизлар 8 та бюджет хисобидан
Травматология бўйича Эндопратезлаш 4 та
Урология бўйича 3 та
Нейрохирургия бўйича 1 та
Хаммаси операция Вилоят Кўп тармоқли тиббиёт марказида ўтказилди.
Имтиёзли беморлар Юқори технологияли операцияси ўтказилганлар
Кўз касалликлар бўйича 27 та бўлиб Вилоятда 16 та, Республикада 11 та.
Кардиология бўйича 8 та, Клапонларни протезлаш 2 та, Стент қуйиш 6 та
Травматология бўйича Эндопратезлаш операцияси 4 та, Республикада 2 та, Вилоятда 2 та
Операциянинг барчаси Республикада ўтказилди.
МОДДИЙ-ТЕХНИК БАЗА.
“Ташаббус-бюджет” лойихаси доирасида ютиб олинган туман тиббиёт бирлашмасига моддий техника базасини мустахкамлаш яъни янги тиббий аппаратлар харид қилиш учун 1 млрд 200 млн сўм маблағ эвазига 10 турдаги жами 18 дона 444 млн 320 минг сўмлик (5 та кардиомонитор, 1 та операция столи, 2 та лампа щелевая,1 та аппарат для искусственной вентиляция легкий, 4 та электрокардиограф щестиканалъный, 1 та биохимик анализатор, 1 та операция микроскопи, 1 та коагулятор, 1 та холтермонитор 1 та операция столи) аппаратлари олиб келиниб, ўрнатилиб, хозирги кунда ахолига тиббий хизмат кўрсатилмоқда.
Қамаши туман тиббиёт бирлашмасига ва унга қарашли даволаш-профилактика муассасаларига электр энергиясида бўлаётган узилишлар даврида тиббиёт муассасаларини электр энергия билан таъминлаш учун 10 та 30 КВТлик электр генераторлар ўрнатилиб, ишчи холатга келтирилди. Атрофлари девор билан ўралиб, том қисми ёпилди.
Тиббиёт бирлашмаси Болалар бўлими, Баландчайла ОШП тиббий контейнерга ва Қўшкўл ҚУШларга қуёш панеллари ўрнатилган.
Қамаши туман тиббиёт бирлашмасига “Ўзмедимпекс” МЧЖ томонидан 3 турдаги 5 дона жами 352 млн 436 минг 191 сўмлик (3 та монитор пациента с принадлежностями, 1 та система ултразвуковоая диагностичиская с принадлежностями, 1 та стол операция электрогидравлический с принадлежностями) аппаратлари олиб келиниб, ўрнатилиб, хозирги кунда ахолига тиббий хизмат кўрсатилмоқда.
Шу вақтга қадар ТТБда мавжуд бўлмаган 5 хил турдаги диагностик текширув усуллари жорий этилди. Булар қуйидагилар: Холтер ЭКГ, бронхоскопия, коагулаграмма, ТОРЧ инфекция, вирусли гепатитга текшириш.
ТТБ моддий техник базасини ривожлантириш ва пуллик хизматни йўлга қўйиш мақсадида Кардиология ва Неврология бўлимлари 8 койкадан иборат, сервес палаталари ўз хизматини бошлади. Ушбу палаталар замон талабларига мос равишда жихозланди.
КТМП таркибида тўлиқ биокимёвий қон тахлили ва ТОРЧ инфекциясига текшириш ташкил этилди.
ҚУРИЛИШ-ТАЪМИРЛАШ ИШЛАРИ.
“Ташаббус-бюджет” лойихаси асосида Кўп тармоқли марказий поликлиникасига қарашли Болалар бўлими биносини капитал таъмирлаш учун овоз бериш жараёни бўлиб ўтди ва 1 млрд 200 млн сўм маблағ эвазига КТМП Болалар бўлимини капитал таъмирлаш ишларини бажариш учун лойиха-смета хужжутлари тайёрланиб, хозирги кунда қурувчи ташкилот томонидан таъмирлаш ишлари тўлиқ якунига етказилган.
Шу билан бирга, “Ташаббус-бюджет” лойихасининг 1-мавсумида Қамаши туман тиббиёт бирлашмаси Qabul Emergency Department бўлимини жорий таъмирлаш учун 1 млрд 200 млн сўмлик лойиха-смета хужжатлари тайёрланмоқда.
Шунингдек, хозирги кунда ТТБга қарашли Қоратепа қишлоқ участка шифохонаси амбулатория қисми, 48-сон оилавий поликлиникаси ҳамда Чим қишлоқ участка шифохонаси амбулатория қисмлари биноларини капитал таъмирлаш учун лойиха-смета хужжатлари тайёрланмоқда.
